今日加入左唔小新嘅動作，的確難度大挑戰，但我地經過3堂嘅特訓，雖然not easy ，但我們努力一下，都勉強做到了！去到第四堂，似乎我嘅心態又有轉變，記得初初因為減肥而開始，然後覺得 #愛上運動 更加重要，到今日，我開始想挑戰下自己，究竟從來唔做運動嘅我，究竟可以做到幾多動作，究竟運動路可以去到幾遠?
#第四堂夾沙包做situp
是日新動作之一，無錯，之一.... 喂啊，好難啊！但唔知點解，幾個人一齊做，就好有動力，仲鬥多鬥高添... 呢個動作絕對係極級燃燒大髀同埋肚腩嘅脂肪，重要控制平衡力， 真係少啲力都唔得， 但係只顧一味大力又唔得喎， 因為好容易會拉傷，取得中庸之道先係最難道高， 因為要掌握到先可以持之以恆，加油啊媽媽，加油啊沙包！
#PunchAndKick
今日打拳學埋出腳，全身肌肉在運動的說，睇下我似唔似低級打女? 原來用腳堅係難，本人不停失衡，一失衡就唔夠力... omg ，但我依然覺得好有型嘅。句號。
#BabyClass
是日2個小朋友沉迷打沙包....
林小拳力進步了不少，似模似樣呢！
《後記》
今堂之後，因為林小小開始要返佢嘅暑期班， 暫時媽咪打拳將會改做網上教學， 依然會由winkie姐姐親自主理，我地下星期再見啦！
